ჩინეთში, ჩენგდუში მდებარე ეს ბინა თანამედროვე მინიმალისტური სულითაა გაჯერებული — სივრცე, სადაც ნაკლები ნიშნავს უფრო მეტს. დიზაინი შესრულებულია ANG 3 STUDIO-ს მიერ და პროექტი განკუთვნილია ახალგაზრდა კაცისთვის.
ინტერიერის კონცეფციას საფუძვლად დაედო მკაცრი, ნათელი, ჰაეროვანი სივრცე, სადაც ტონს, ფაქტურასა და სიმშვიდეს თეთრი ფერები განსაზღვრავს. ამ ღია ფონს უპირისპირდება მუქი ავეჯის კომპოზიცია, რომელიც ერთდროულად მატებს ინტერიერს სიმტკიცეს, მკვეთრ კორექტულ ხაზებსა და ვიზუალურ კონტრასტს.
ამ პირობებში ფერი არ არის უბრალო დეკორატიული ჟესტი — მუქი ელემენტები ქმნის განსხვავებულ ემოციურ ერთეულს. ისინი არა მხოლოდ განსაზღვრავს ფუნქციურ ზონებს, არამედ ხდება ინტერიერის მთავარი იდენტობის მატარებელი: მისაღები კუთხე, სასადილო სივრცე თუ სამუშაო ზონა — ყველა ერთი დიდი, ერთიანი ნაკადის ნაწილად იკითხება.
ამ სახლში მინიმალიზმი არ ნიშნავს ცივ სტანდარტს — პირიქით, თითოეული დეტალი ხაზს უსვამს ხარისხს და სახასიათო დეტალებს. პროექტის ავტორებმა შეძლეს იმის დემონსტრირება, რომ მინიმალისტური სივრცე შეიძლება არ იყოს მხოლოდ თეთრი და ცარიელი – მას შეიძლება ჰქონდეს სიღრმე და მკვეთრი ვიზუალური ეფექტი.
“იცხოვრე შენი ცხოვრებით” სათქმელად უფრო ადვილია, გასაბედად კი რთულია. ხშირად გაბედვა უნდა ერთი შეხედვით მარტივ საკითხევს, მაგალითად, სახლის საკუთარი გემოვნების მიხედვით მოწყობას. m2 -ის კამპანია “გაბედე” სწორედ ამ საკითხზე გვაფიქრებს და კიდევ ერთხელ გვახსენებს, რომ ყველაფერი საიტერესო გაბედვით იწყება.
გაბედე, იცხოვრე შენი ცხოვრებით!
რუბრიკა “გაბედეს” წარმდგენია m2
