ინტერიერის დიზაინში განათებას გაცილებით მეტი ფუნქცია აქვს, ვიდრე უბრალოდ სივრცის განათებაა. სანათები ქმნის ატმოსფეროს, ხაზს უსვამს არქიტექტურულ დეტალებს, წარმოაჩენს ტექსტურებს და ხელს უწყობს ინტერიერის ვიზუალური ბალანსის შექმნას. ამ მხრივ განსაკუთრებით მნიშვნელოვანია მაგიდის სანათები, რომლებიც, მიუხედავად კომპაქტური ზომისა, ხშირად გადამწყვეტ როლს თამაშობს სივრცის ხასიათის ჩამოყალიბებაში. კარგად შერჩეული სანათი შეიძლება იქცეს ოთახის მთავარ აქცენტად, გააძლიეროს სივრცის სტილისტური კონცეფცია ან პირიქით — ფერთა და ფორმის კონტრასტით დაარღვიოს ერთგვაროვნება და შეიტანოს დინამიკა.
დღევანდელ სტატიაში გთავაზობთ 5 გამორჩეულ მაგიდის სანათს Dressup.ge-დან, რომლებიც იდეალურად ერწყმის სხვადასხვა ტიპის ინტერიერს და აუცილებლად მიიქცევს თქვენს ყურადღებას.
1. მაგიდის სანათი OXFORD
კლასიკური ელემენტებით შთაგონებული, თუმცა თანამედროვე ინტერიერისთვის სრულიად შესაბამისი OXFORD სანათი შეიძლება იქცეს ელეგანტურ აქცენტად კაბინეტში, ბიბლიოთეკაში ან საძინებელში. მისი კომპაქტური ფორმა და მეტალის ზედაპირი შესანიშნავად ერწყმის როგორც მუქ ხის, ისე ღია ტონის ავეჯს. იდეალურია თანამედროვე კლასიკური ან ინდუსტრიული სტილის სივრცეებისთვის.
მოდელის შესაძენად გადადით ბმულზე
2. მაგიდის სანათი ULUWATU
ULUWATU ბუნებრივი მასალების სიყვარულით შექმნილი სანათია, რომელიც ყველაზე ორგანულად ჯდება ბოჰო, სკანდინავიურ ან ეკო-მინიმალისტურ სივრცეებში. ხის ეფექტის მქონე ბაზა და ტექსტურიანი აბაჟური ხაზს უსვამს სიმშვიდესა და სიმყუდროვეს. აღნიშნული სანათი შესანიშნავია მისაღებში მყუდრო მოსასვენებელი კუთხის შესაქმნელად ან საძინებლის ტუმბოსთვის.
მოდელის შესაძენად გადადით ბმულზე
3. მაგიდის სანათი Opjet
ამ სანათის მდიდარი მწვანე ფერი ინტერიერს შემატებს სიღრმესა და ხასიათს. დიზაინით ის უკავშირდება არტ დეკოს სტილს, თუმცა სრულიად ორგანულად ერწყმის თანამედროვე, ექლექტიკურ და მინიმალისტურ სივრცეებს, განსაკუთრებით მაშინ, როცა ინტერიერში მწვანე ფერის აქცენტები ან ბუნებრივი მცენარეებია წარმოდგენილი.
მოდელის შესაძენად გადადით ბმულზე
4.მაგიდის სანათი ლურჯი მეტალის ზედაპირით
მეტალის ცილინდრული ფორმა და გაპრიალებული ლურჯი ზედაპირი ამ სანათს იდეალურს ხდის თანამედროვე და რეტრო-ფუტურისტულ ინტერიერებში. ის შეიტანს ფერს მინიმალისტურ სივრცეებში და ერთდროულად შეასრულებს როგორც ფუნქციურ, ისე არტ ობიექტის როლს. შესაფერისია ოფისისთვის, სტუდიისთვის ან კრეატიული სივრცისთვის.
მოდელის შესაძენად გადადით ბმულზე
5. მაგიდის სანათი ხაზოვანი დეკორით
ეს სანათი იდეალური არჩევანია მათთვის, ვინც აფასებს გრაფიკულ ფორმებსა და სკულპტურულ ბალანსს. სფერული თეთრი გუმბათი მსუბუქად ანათებს სივრცეს, ხოლო ვერტიკალური ხაზები მის ქვეშ კონტრასტულ სიმკაცრეს აჩენს. შესაფერისია არტისტულ, კონტემპორარ ან პოსტ-მოდერნულ ინტერიერებში.
მოდელის შესაძენად გადადით ბმულზე
