12 დეკემბერს ონლაინ ჟურნალი homeis.ge სასტუმრო „ტელეგრაფში” მასშტაბურ ღონისძიებას გამართავს. ფორუმი, სახელწოდებით „სახლი და ბიზნესი“ ერთ სივრცეში მოუყრის თავს არქიტექტურის, ინტერიერის დიზაინის, უძრავი ქონების, სამშენებლო–სარემონტო, ავეჯისა და სხვა მომიჯნავე სფეროების წარმომადგენლებს.
უკვე ხუთი წელია, homeis.ge არქიტექტურისა და დიზაინის მიმართულებით სანდო მედიაპლატფორმას წარმოადგენს, რომელიც ასიათასობით მკითხველს ინდუსტრიის სიახლეებსა და პროფესიონალების რჩევებს უზიარებს. ბოლო რამდენიმე წელია, ღონისძიება რეალურ გარემოში აერთიანებს ინდუსტრიის წარმომადგენლებს, რომლებსაც Homeis.ge აძლევს საშუალებას, გაუზიარონ ერთმანეთს საკუთარი ხედვები, ცოდნა და გამოცდილება. ამას გარდა, ეს არის პლატფორმა საქმიანი ურთიერთობების დამყარებისთვის, რომლის ფარგლებში კომპანიებსა და ინდივიდუალურ პროფესიონალებს ეძლევათ შანსი, ჩამოაყალიბონ ახალი ურთიერთობები და თანამშრომლობის მოდელები.
აღსანიშნავია, რომ წელს ღონისძიება განახლებული ფორმატით ჩატარდება. გარდა ტრადიციული არქიტექტურული ნაწილისა, მიმდინარე სეზონზე ღონისძიებას ემატება ახალი, სტრატეგიული მიმართულება — უძრავი ქონება, რაც პროგრამას კიდევ უფრო მრავალმხრივსა და მნიშვნელოვანს ხდის. მოწვეული გამომსვლელები განიხილავენ საბაზრო ტენდენციებს, განვითარების მოდელებსა და თანამედროვე პრაქტიკებს ამ მიმართულებითაც.
ღონისძიების პარტნიორია IPS • აიპიეს. მხარდაჭერაზე ბრენდის წარმომადგენლები გვესაუბრებიან.
თქვენი შეფასებით, რა მნიშვნელობა აქვს „home & Business” ღონისძიებას არქიტექტურისა და ინტერიერის დიზაინის სფეროს განვითარებისთვის საქართველოში?
მედიაპლატფორმა HomeIs.ge-ს მნიშვნელოვანი ადგილი უჭირავს საქართველოში არქიტექტურისა და ინტერიერის დიზაინის ეკოსისტემის განვითარებაში. ღონისძიება „Home & Business” ქმნის სივრცეს, სადაც იკრიბებიან ინდუსტრიის წამყვანი არქიტექტორები, დიზაინერები, დეველოპერები და მასალების მწარმოებლები, რაც ცოდნის, გამოცდილებისა და ინოვაციური მიდგომების ერთმანეთთან გაზიარებას ამარტივებს.
სფეროს წარმომადგენლებისთვის ესაა შესაძლებლობა ვისაუბროთ ინდუსტრიის გამოწვევებსა და ტენდენციებზე, გავაძლიეროთ პროფესიული კავშირები, რაც ხელს უწყობს ინდუსტრიის ზრდასა და განვითარებას.
რატომაა აიპიესისთვის მნიშვნელოვანი და ღირებული ასეთი ღონისძიების მხარდაჭერა?
IPS უკვე მეორედ მონაწილეობს ამ ღონისძიებაში, რაც ჩვენთვის სტრატეგიული მნიშვნელობისაა. არქიტექტორებთან, დიზაინერებთან და დეველოპერებთან მუშაობა ჩვენი ყოველდღიური საქმიანობის ნაწილია. „Home & Business” გვაძლევს შესაძლებლობას გავამყაროთ არსებული კავშირები, შევხვდეთ ახალ, პოტენციურ პარტნიორებს და წარმოვაჩინოთ ჩვენი გადაწყვეტილებები – იქნება ეს საფასადო სისტემები თუ ინტერიერის მასალები.
IPS-ში გვჯერა, რომ პროფესიულმა წრეებმა ერთობლივად უნდა ვიმუშაოთ იმაზე, რომ საქართველოში თანამედროვე, მაღალი სტანდარტების არქიტექტურა და დიზაინი კიდევ უფრო განვითარდეს, HomeIs-ის მსგავსი პლატფორმები კი სწორედ ამ კუთხით ცნობიერების ამაღლებას ეხმარება.
ღონისძიების მონაწილეთა ჩამონათვალი ასე გამოიყურება:
ლუკა ჩაგანავა (NS Studio), ფიქრია ჭეიშვილი (IPS), ნინო ჩხარტიშვილი (არქიტექტორი), ბექა ფხაკაძე (STIPFOLD), მარიამ ჩიკვილაძე (Home by Dressup.ge), ლევან ლაბარტყავა (უძრავი ქონების ექსპერტი), ირინა კვახაძე (TBC კაპიტალი) და დავით ბარაბაძე (უძრავი ქონებისა და საგანმანათლებლო პროექტების მენეჯერი).
ამას გარდა, წლევანდელ ღონისძიებას საერთაშორისო მასშტაბს სძენს საგანგებოდ მოწვეული უცხოელი გამომსვლელი – არქიტექტორი ნიკოლა გიშარი, რომელიც წარმოადგენს ჩვენი დროის ერთ-ერთ გამორჩეულ სტუდიას მსოფლიოს არქიტექტურულ სამყაროში – Kengo Kuma & Associates.
ბილეთების შეძენა შესაძლებელია tkt.ge-ზე.
ბილეთების კორპორატიულად შეძენის მსურველებს შეუძლიათ დაუკავშირდნენ homeis.ge-ს კომერციულ სამსახურს და ინვოისის მისაღებად გადაგზავნონ საჭირო ინფორმაცია (შპს-ს რეკვიზიტები და ბილეთების სასურველი რაოდენობა) შემდეგ მისამართზე: sales@marketer.ge
ღონისძიების პარტნიორები:
TON design, m2, Home by Dressup, TBC Capital, Mosaics, Silk Development, Buildy, საოფისე ტექნოლოგიები (Office Technologies), Signall, არქი, Render Group, Lutecia, Atelier Rebul, IPS • აიპიეს, Atlas Concorde, Aura Concept • აურა კონცეპტი.
