პარიზის განაპირას მდებარე ეს უნიკალური სახლი პირველივე შეხედვით ტროპიკულ კურორტზე გაგრძნობინებს თავს. მისი ეგზოტიკური ბაღი, რომელიც შიდა ეზოშია გაშენებული, ქმნის გარემოს, სადაც ბუნება და არქიტექტურა ერთმანეთთან ჰარმონიულ დიალოგშია. ბაღში გამოყენებული მცენარეები და ბუნებრივი მასალებით გაფორმებული ტერასა ქმნის ინტიმურ, მედიტაციურ ატმოსფეროს, რომელიც ყოველდღიურობას სიმშვიდითა და ესთეტიკით ავსებს.
სახლის შიდა სივრცე ისეთივე შთამბეჭდავია, როგორც მისი გარე ნაწილი. დიზაინის ავტორებმა ინტერიერში ყურადღება გაამახვილეს კონტრასტებსა და ტექსტურებზე. გეომეტრიული ორნამენტებით გაფორმებული იატაკი, ღია ფერებში შესრულებული კედლები და ღრმა, მუქი ტონალობის ავეჯი ქმნის საინტერესო რიტმს, რომელიც არც გადატვირთულია და არც ცარიელი. ავეჯის შერჩევაში იგრძნობა გასული საუკუნის შუა წლების გავლენა — მინიმალისტური ფორმები და მაღალი ხარისხის მასალები ქმნის დროის მდგრადი დიზაინის განცდას.
ინტერიერის ზოგად ტონს განსაზღვრავს ბუნებრივ მასალებზე ორიენტირებული მიდგომა: ხის სხვადასხვა ტექსტურა, თეთრი ქვის ზედაპირები, რბილი ქსოვილები და ფერების დელიკატური პალიტრა ქმნის ინტერიერს, რომელიც ვიზუალურად ნეიტრალურია, მაგრამ დეტალებში უკიდურესად დახვეწილი. სივრცე თავისუფლად სუნთქავს და თითოეული ელემენტი, იქნება ეს დეკორატიული სანათი, ხელნაკეთი ხალიჩა თუ არტ-ობიექტი, თავის ადგილს ჰპოვებს ერთიანი სურათის ჩამოყალიბებაში.
ამ სახლში თანამედროვე არქიტექტურა ერწყმის ბუნებას, პარიზულ ელეგანტურობასა და მყუდრო პირად სივრცეს. ეს არის ადგილი, სადაც ქალაქის ხმაური რჩება კედლების მიღმა და სადაც შიდა გარემო აღადგენს შინაგან წონასწორობას. ეს ინტერიერი არა მხოლოდ ვიზუალურად შთამბეჭდავია, არამედ ცხოვრებისთვის შექმნილი სივრცეა — მარტივი, მდიდარი და აუჩქარებლად ელეგანტური.
“იცხოვრე შენი ცხოვრებით” სათქმელად უფრო ადვილი, გასაბედად კი რთულია. ხშირად გაბედვა უნდა ერთი შეხედვით მარტივ საკითხებს, მაგალითად, სახლის საკუთარი გემოვნების მიხედვით მოწყობას. m2–ის კამპანია “გაბედე” სწორედ ამ საკითხზე გვაფიქრებს და კიდევ ერთხელ გვახსენებს, რომ ყველაფერი საინტერესო გაბედვით იწყება.
გაბედე, იცხოვრე შენი ცხოვრებით!
რუბრიკა „გაბედეს“ წარმდგენია m2
