დ ვიტამინი განაპირობებს ჯანმრთელობის მდგომარეობის და საერთო კეთილდღეობის მრავალ კომპონენტს. მაგალითად იგი უმნიშვნელოვანეს როლს ასრულებს კალციუმის შეწოვაში, რაც სასიცოცხლოდ მნიშვნელოვანია ძვლების სიძლიერის შესანარჩუნებლად და ასევე ოსტეოპოროზის პრევენციაში.
გარდა ამისა, დ ვიტამინი აძლიერებს იმუნურ სისტემას და ეხმარება ორგანიზმს ინფექციებისგან თავის დაღწევასა და ავტოიმუნური დაავადებების რისკის შემცირებაში. უფრო მეტიც დ ვიტამინმა შეიძლება ხელი შეუწყოს გულ-სისხლძარღვთა ჯანმრთელობას, არტერიული წნევის რეგულირებითა და გულის ფუნქციის გაუმჯობესებით. საერთო ჯამში, ორგანიზმში დ ვიტამინის დონის შენარჩუნება მნიშვნელოვანია ფიზიკური ჯანმრთელობის, გონებრივი კეთილდღეობისა და სხვადასხვა დაავადების პრევენციისთვის.
თქვენი ჯანმრთელობისთვის რეკომენდებულია პერიოდულად კვლევები ჩაიტაროთ და დაადგინოთ დ ვიტამინის დონეს, გჭირდებათ თუ არა დანამატი, თუ საკმარისი იქნება დ ვიტამინის ბუნებრივად მიღება. ასეთ დროს სასურველია, ფლობდეთ ინფორმაციას დ ვიტამინის ბუნებრივი წყაროების შესახებ.
მზე
მზე საუკეთესო წყაროა დ ვიტამინის მისაღებად, სწორედ ამიტომ ამ ელემენტს მზის ვიტამინსაც უწოდებენ. როდესაც თქვენი კანი მზის სხივებთან არის ურთიერთქმედებაში, იგი ქოლესტერინიდან დ ვიტამინს გამოიმუშავებს. მზის ულტრაიისფერ სხივებს გავლენა აქვს ქოლესტერინზე კანის უჯრედებში, რაც უზრუნველყოფს ენერგიას დ ვიტამინის სინთეზისთვის. თუმცა, აქვე გაითვალისწინეთ რომ არც ზედმეტად მეტი დროის გატარება შეიძლება მზეზე. რეკომენდებულია, შუა დღის მზეზე 10-30 წუთის განმავლობაში სეირნობა.
ფაქტორები, რომლებიც გავლენას ახდენენ მზის სხივებისგან დ ვიტამინის გამომუშავების უნარს, გულისხმობს დღის მონაკვეთს, როდის გადიხართ გარეთ, კანის ფერს, თუ სად ცხოვრობთ (ეკვატორიდან რა მანძილზე), რამდენად აჩენთ კანს მზეზე და იყენებთ თუ არა მზისგან დამცავ კრემს.
საკვები პროდუქტები
- ორაგული, სკუმბრია, სარდინი და ტუნა – ეს თევზები დ ვიტამინის მისაღებად უმდიდრეს წყაროს წარმოადგენენ მაღალი რაოდენობის ცხიმის შემცველობის გამო.
- კვერცხის გული დ ვიტამინის მისაღებად ღირებული წყაროა. ის უზრუნველყოფს საჭირო ელემენტების მცირე, მაგრამ მაინც სასარგებლო რაოდენობას.
- ვიტამინიზებული რძე, ფორთოხლის წვენი, ბურღულეული, მცენარეული რძის ალტერნატივები, როგორიცაა სოიას, ნუშის რძე ასევე წყაროა დ ვიტამინის.
- ზოგიერთ სოკოს, მაგალითად შიიტაკესა და მაიტაკეს, აქვს უნიკალური უნარის დ ვიტამინი გამოიმუშაოს მზის, ან ულტრაიისფერი სხივების ზემოქმედების დროს.
- ვირთევზას ღვიძლის ზეთი დ ვიტამინისა და ომეგა 3- ის ცხიმოვანი მჟავის ერთ-ერთი ყველაზე მდიდარი წყაროა.
თუკი გაწუხებთ ისეთი სიმპტომები, როგორიცაა დაღლილობა, თმის ცვენა, ძვლისა და კუნთის მწვავე ტკივილი, სუსტი იმუნური სისტემა, განწყობის ცვლილება, უენერგიობა და ეჭვობთ რომ შესაძლოა დ ვიტამინის ნაკლებობა გაქვთ, პირველ რიგში ჩაიტარეთ გამოკვლევა და მიიღეთ ექიმის დანიშნულება.
მიუხედავად იმისა, თქვენი მკურნალი ექიმი დაგინიშნავთ თუ არა საჭიროების მიხედვით დ ვიტამინის საკვებ დანამატს (მაგალითად, პსპ-ს სააფთიაქო ქსელში არსებულ პოპულარულ სოლგარის D ვიტამინს), სასურველია ის ბუნებრივი წყაროებიდან მაინც მიიღოთ, რადგანაც ეს ძალიან მნიშვნელოვანია ჩვენი ორგანიზმის გამართულად ფუნქციონირებისთვის.
[R]
