in

ერთსართულიანი, მინიმალისტური შენობა ჩეხეთში – ADR-ს ნამუშევარი

შენობა, რომლის შესახებაც ახლა უნდა გიამბოთ, 1115 კვ.მ ფართობის ტერიტორიაზე დგას ჩეხეთში. ადრე ამ ადგილზე იყო აგურის ძველი ქარხნის კომპლექსი. შენობის რენოვაციის მთავარი იდეა მდგომარეობდა იმაში, რომ შექმნილიყო სახლი ჩეხეთის ბოჰემური მაღლობების ხედებით. ახლა უკვე სახლის ცენტრალური დერეფანი მის ვიზიტორებს სთავაზობს ხედებს როგორც Mountp მთაზე, ასევე გოთური ჰაზმბურკის ციხის ნანგრევებზე; ხოლო სასადილო ოთახიდან და სამზარეულოდან მთელი მაღლობები იდეალურად მოჩანს.

Alliance Group
Alliance Group

ყოფილ ინდუსტრიულ უბანზე, ტრაპეციული ნაკვეთი, რომელიც მდებარეობს მდინარე მალა ოჰეს ზემოთ მდებარე ნაპირზე, გადაჭიმულია სამხრეთით მდებარე ქალაქების კოსტელეკ ნაჰ ოჰას და პოპლზეს მისასვლელ გზებს შორის. დიზაინის ფუნდამენტური კონცეფცია იყო მთელი კომპლექსის შეუმჩნეველი ხასიათი შორიდან დაკვირვებისას და ფუნქციონალური სიმარტივე.

მთავარი შენობა – სახლი – მდებარეობს კომპლექსის შესასვლელთან ახლოს; ვილა განლაგებულია ფერდობის პირას. ამ შენობების გარდა, ასევე არის ვენახი სამხრეთ ფერდობზე, ღვინის მარანი, ჩოგბურთის კორტები, გარე საცხენოსნო ტერიტორია და ვერტმფრენი.

როგორც ნაჩვენებია ფოტოებში, მონოლითური ერთსართულიანი შენობა ქმნის თავად ვილას, რომელშიც გამოყენებულია საგულდაგულოდ შერჩეული ქვისა და ხის მასალები. დიზაინი ხაზს უსვამს უბრალო და სუფთა ინტერიერს, რომელიც მჭიდროდ აკავშირებს შიდა და გარე სივრცეებს და პატივს სცემს კონტექსტსა და კლიენტის სურვილებს. მოცულობა განისაზღვრება ბეტონის ფილებით, რომლებიც ქმნიან იატაკსა და ჭერს. გარედან, ტერასები რიტმულად ყოფს სახლის სილუეტს პატარა სეგმენტებად. ყველა ოთახს აქვს მიმდებარე ლანდშაფტის ხედები.

შენობაში დიდი ყურადღება ეთმობა სახურავის ბაღს, რომელსაც საოცარი ვიზუალი აქვს ზემოდან დაკვირვებისას.

არქიტექტურული სტუდია: ADR

ფოტოგრაფი: BoysPlayNice

რუბრიკის წარმდგენია “ალიანს ჯგუფი” 

Luceplan – ბრენდი, რომელიც Made In Italy-ს სინონიმად იქცა

#სადვიცხოვრო: რაჭის ბუნებაში ჩაფლული სახლი სოფელ კომანდელში