სახლი – ეს ის ადგილია, რომელიც თავისთავად გულში სითბოს გღვრის. სახლია შენი „მე”, ოჯახი, თავშესაფარი, სადაც თავს ყველაზე დაცულად გრძნობ, მყუდრო სავანე, სადაც განმარტოებაც სასიამოვნოა და დიდ ოჯახთან ერთად მხიარულად ჟრიამულიც. ამიტომ ის ისეთი უნდა იყოს, როგორიც შენ მოგწონს.
ზოგადად, ინტერიერს ბევრი დეტალი ქმნის: კედლები, იატაკი, ავეჯი, განათება, თუმცა აბა, წარმოიდგინეთ თქვენი ოცნების სახლი და შემდეგ ისევ იგივე სახლი, რომელსაც წიგნების ლამაზი თაროები ამშვენებს – რომელი უფრო მოგეწონებათ? ეჭვგარეშეა, რომ მეორე. წიგნები და მათი სუნი სახლს სულს სძენს, ამიტომ ისინი გაცილებით მეტია, ვიდრე უბრალოდ ნივთები.
შედიხარ სახლში და ათვალიერებ, რას კითხულობს მასპინძელი, როგორი ლიტერატურა მოსწონს, რა ადგილი უკავია მის ცხოვრებაში ბიბლიოთეკას…
აქ ცოცხლდებიან მსოფლიო კლასიკოსები, წიგნის ყდები მრავალი შთამაგონებელი და საინტერესო ისტორიის წასაკითხად გვამზადებს, ეს ყველაფერი კი სახლში ჯადოსნურ ატმოსფეროს ქმნის. რამდენი წელიც არ უნდა გავიდეს, როგორც არ უნდა გაციფრულდეს სამყარო, რა ტრენდებიც არ უნდა დამკვიდრდეს ინტერიერის დიზაინში, წარმოუდგენელია, წიგნებით სავსე კედელი ან, თუნდაც, ერთი პატარა კუთხე, ოდესმე მოდიდან გადავიდეს. სხვათა შორის, ამაზე მხოლოდ წიგნის მოყვარულები კი არა, დიზაინერებიც თანხმდებიან.
„სახლის დიზაინი წიგნების გარეშე არასრულია” – ამ მოცემულობას პოპულარული გამომცემლობა „პალიტრა L-იც” იზიარებს და მომხმარებელს სრული ბიბლიოთეკის შეძენაზე დიდ ფასდაკლებას სთავაზობს. გამომცემლობამ საგულდაგულოდ შეარჩია იმ მწერალთა შემოქმედება, რომლებმაც მნიშვნელოვანი გავლენა მოახდინეს მსოფლიო ლიტერატურაზე და საკუთარი კვალი სამუდამოდ დატოვეს. ეს ის წიგნებია, რომლებიც აუცილებლად უნდა ამშვენებდეს ყველა სახლის თაროს, არ აქვს მნიშვნელობა, თქვენ თომას მანის მრავალშრიანი, სიღრმისეული ტექსტები მოგწონთ, ალბერ კამიუს აბსურდის თეორიები თუ შარლოტა ბრონტეს სიყვარულის ისტორიები; მრავალტომეულებით გიზიდავთ თაროების გაწყობა თუ მოთხრობათა კრებულით; იქნებ, საერთოდ, პოეზიის მოტრფიალე ხართ – თქვენთვის სასურველ წიგნებს წარმოდგენილ ნაკრებებში აუცილებლად აღმოაჩენთ.
სულ „პალიტრა L“-მა ორი ბიბლიოთეკა მოამზადა. სერია „50 წიგნი, რომელიც უნდა წაიკითხო, სანამ ცოცხალი ხარ“ მოიცავს 59 ტომს. მისი სტანდარტული ფასი 1000 ლარია, თუმცა ამჟამად, შეზღუდული დროით, ამ ნაკრების ფასი მხოლოდ 600 ლარს შეადგენს.
მეორე ბიბლიოთეკა კი, რომელშიც ასევე გაერთიანებულია სერია „50 წიგნი, რომელიც უნდა წაიკითხო, სანამ ცოცხალი ხარ“, შედის ჭაბუა ამირეჯიბის ხუთტომეული, აგრეთვე, ქართული და მსოფლიო ლიტერატურის შედევრები, 1511 ლარის ნაცვლად, მხოლოდ 990 ლარად შეგიძლიათ, შეიძინოთ.
ახალი ბიბლიოთეკა სახლსაც სიახლით აღავსებს, მას უფრო დახვეწილად წარმოაჩენს და თქვენს ხასიათსაც გამოხატავს. თუ გსურთ, თქვენს სახლს სრულფასოვანი წიგნების კუთხე ჰქონდეს და შეიძინოთ „პალიტრა L“-ის ბიბლიოთეკა, გააგზავნეთ შეტყობინება კომპანიის ოფიციალურ გვერდზე ან დარეკეთ ნომერზე: 032 2 47 00 45.
წიგნების კომპლექტების სანახავად ეწვიეთ ბმულს.
[R]
