სახლში პირველადი მოხმარების საგნების სიაში აუცილებელად გვხვდება დანა-ჩანგალი. დაგვეთანხმებით, რომ ყველას სიამოვნებს ლამაზი დანა-ჩანგალის ნაკრები, რომლითაც ყოველდღე ვისიამოვნებთ, სტუმრებსაც ლამაზად გავუმასპინძლდებით და რომელიც ამავე დროს, კომფორტული და პრაქტიკული იქნება.
დანა-ჩანგლის კომპლექტის შერჩევისას აუცილებლად უნდა გვახსოვდეს, რომ მათ ჩვენს ჯანმრთელობაზეც აქვთ გავლენა. სწორედ ამიტომ ეს ის ნივთებია, რომელზეც თანხა არ უნდა დავზოგოთ. როგორც სპეციალისტები გვირჩევენ, უჟანგავი ლითონი 18/10 სწორედ ის ძირითადი მახასიათებელია, რომლითაც დანა-ჩანგლის ხარისხი უნდა შევაფასოთ.
ჩვენ შევისწავლეთ ქართულ ბაზარზე არსებული დანა-ჩანგლის ვარიანტები, მათი ხარისხი, ფასები და გთავაზობთ რამდენიმე მაღაზიას, სადაც ხარისხიანი და დახვწეილი კომპლექტის შეძენას შეძლებთ.
1. ვილეროი და ბოხი (Villeroy and Boch)
გერმანული ბრენდი, რომელიც 1749 წლიდან ხარისხის პროტოტიპია, ხარისხიან, თანამედროვე და ულამაზესი დიზაინის მქონე კომპლექტებს გვთავაზობს. გამორჩეული და სადა, ნებისმიერი კომპლექტი კლასიკურ და თანამედროვე სახლს ერთნაირად უხდება. 24 ნაწილიანი დანა-ჩანგლის კომპლექტის ფასები 709 ლარიდან იწყება. აღნიშნული დანა-ჩანგლის გარეცხვა ჭურჭლის სარეცხ მანქანაშიც შეიძლება.
2. კოინკაზა/ Coincasa
მაღაზია “Coincasa” ქართულ ბაზარზე 10 წლის წინ გამოჩნდა და მომხმარებელს ხარისხიანი იტალიური წარმოების ჭურჭლის შეძენის შესაძლებლობა მისცა. Coincasa-ში Pintinox-ის დანა-ჩანგლის ნაკრების შეძენას შეძლებთ. ეს არის იტალიური ბრენდი, რომელიც 70 წელზე მეტია ჭურჭელს აწარმოებს. მოწინავე ტექნოლოგიების გამოყენებით წარმოებულ მაღალი ხარისხის პროდუქტს კოინკაზაში 408 ლარად შეიძენთ. ონლაინ შეძენას შეძლებთ მაღაზიის ვებ გვერდზე.
3. იკეას პროდუქცია მაღაზიაში “Mysa”
ცნობილია, რომ ბრენდი “Ikea” აწარმოებს თანამედროვე, ბიუჯეტურ, თუმცა ხარისხიან პროდუქციას. “Mysa”-ში დანა-ჩანგლის კომპლექტის შეძენას 70 ლარად შეძლებთ და ის დიზაინით და ხარისხით ნამდვილად აღემატება ფასს. მაღაზია დისტანციურად ფუნქციონირებს და მისი პროდუქციის შეძენა ფეისბუქ გვერდის საშუალებითაა შესაძლებელი.
4. “სუპერი”
აღნული მაღაზიაში წარმოდგენილია “Amefa”-ს ბრენდის ჭურჭელი. კომპანია “Amefa” 1931 წლიდან აწარმოებს დანა-ჩანგალს და მომხმარებელს ამ მხრივ მრავალფეროვან არჩევანს სთავაზობს. ასეთი კომპლექტის გამოყენება როგორც ყოველდღიურად, ასევე დღესასწაულების დროსაა შესაძლებელი. 16 ნაჭრიანი კომპლექტის შეძენა 189 ლარად არის შესაძლებელი, ხოლო 24-იანის ფასები 252 ლარიდან იწყება . “სუპერში” ასევე ვხვდებით ლამაზ ვინტაჟურ ნაკრებს, რომელიც 89 ლარი ღირს და დამზადებულია უჟანგავი ფოლადის და პლასტმასისგან.
5. “ფრანგული სახლი”
მაღაზიაში “ფრანგული სახლი” ლამაზ და განსხვავებულ დანა-ჩანგლის კომპლექტებს ვხვდებით. 18/10 უჟანგავი ფოლადის, განსხვავებული ფორმების და ფერების ნაკრების შეძენა 6 პერსონაზე 216 ლარად არის შესაძლებელი. მაღაზია პანდემიის პირობებში დისტანციურად აგრძელებს მუშაობას, საკუთარი ვებ გვერდის საშუალებით.
