ხელოვანი დაგ ეიტკენის (Doug Aitken) ინსტალაცია, რომელიც შვეიცარიაში, გშტაადში მდებარეობს, ალპების სილამაზეს აფიქსირებს და ირეკლავს. ინსტალაციას „Mirage Gstaad“ ეწოდება და ის რანჩოს სტილის სახლია, რომელიც სრულიად სარკეებითაა დაფარული. სარკეებიანი ექსტერიერის საშუალებით ის ერთგვარი კამუფლაჟით იმალება მთებში და ირეკლავს მარადმწვანე ხეებს, მყინვარებს თუ ალპებში მცხოვრები ცხოველების გამოსახულებებს. შორიდან მისი შემჩნევა, ფაქტობრივად, შეუძლებელია.
სახლის ინტერიერი წარმოუდგენლად საინტერესოა, რადგან კედლები და ჭერი აქაც სარკეებითაა დაკომპლექტებული. კუთხური დაგეგმარების საშუალებით კალეიდოსკოპური ეფექტი იქმნება – სახლში შემომავალი სინათლე სარკეებში ირეკლება და მოულოდნელ ვიზუალებს ქმნის.
ინსტალაციის იდეა პოეტურია – დაგ ეიტკენს სურდა მოუთვინიერებელი ბუნების სილამაზის მომენტში დაჭერა და მისი ადამიანის მიერ შექმნილ ნამუშევართან გაერთიანება. „მირაჟის“ შექმნის შთაგონება ეიტკენმა ამერიკელი არქიტექტორის, ფრენკ ლოიდ რაითის (Frank Lloyd Wright) შემოქმედებიდან აიღო და დასავლური ამერიკული არქიტექტურისთვის დამახასიათებელი „two-fold”-ის სტილიც გამოიყენა.
„მირაჟი“ შვეიცარიის ალპებამდე პალმ სპრინგსის უდაბნოში და დეტროიტში იყო განთავსებული – ის მოძრავი ინსტალაციაა. 2021 წელს ის კვლავ შეიცვლის ლოკაციას.
ფოტოგრაფი:Torvioll Jashari.
