როდესაც თერმომეტრი 30 გრადუსზე მაღალ ტემპერატურას უჩვენებს, სიცხე აუტანელი ხდება. ჩვენ კი შემოგთავაზებთ სტატიას იმაზე, თუ როგორ უნდა გააგრილოთ ბინა ცხელ ამინდში.
ბუნებრივია, ყველა ბინას კონდიციონერი არ აქვს, რაც იმას ნიშნავს, რომ სიცხესთან ბრძოლა უფრო იაფფასიანი საშუალებებით მოგიწევთ. დიდი ხანია ცნობილია, რომ ძველ აგურის შენობებში სითბო ნაკლებად იგრძნობა, მაგრამ პანელური შენობები ძალიან სწრაფად თბება. ოთახში სითბოს ხარისხზე ზემოქმედებს ფანჯრების რაოდენობა, ბინის სიმაღლე და მისი ფართობი.
როგორ უნდა დააღწიოთ სიცხეს თავი?
სიცხისგან თავის დაღწევის მთავარი საშუალება ვენტილატორია, მაგრამ სხვა მეთოდების გამოყენებაც ეფექტურია. პირველ რიგში ოთახები მაქსიმალურად უნდა ჩააბნელოთ, მზის შუქის შეღწევადობის შემცირების ხარჯზე.
- თხელი მასალისგან დამზადებული ფარდები ოთახში დიდი რაოდენობის შუქს უშვებს. ყველაზე შესაფერისი ვარიანტია ჟალუზები. ასეთი პროდუქტები ფანჯრის ბლოკთან მჭიდრო კავშირშია და მათ მიერ სინათლის გატარების სიმძლავრე დაბალია. ისინი ოთახის შიგნით ჰაერის გაცხელების საშუალებას არ იძლევა. ჟალუზების დაყენებით შეძლებთ, ოთახში განათების დონე შეუფერხებლად დაარეგულიროთ.
- სინათლის ამრეკლავი ფირი ოთახში ტემპერატურის შემცირების უმარტივეს და სწრაფ მეთოდს წარმოადგენს. ამასთან ფანჯრები, რომლებზეც ეს ფირია გადაკრული, ულტრაიისფერ გამოსხივებას არ ატარებს.
- ხშირად ჩაატარეთ სველი წმენდა. ცხელ ამინდში მტვერი ბინაში მაღალი ტემპერატურის შენარჩუნებას უწყობს ხელს.
- ასეთი ზემოქმედების თავიდან ასაცილებლად მოიშორეთ არასაჭირო ნივთები: ხალიჩები, რბილი სათამაშოები და სხვა საგნები, რომლებიც მტვრის დაგროვებას უწყობს ხელს.
- მნიშვნელოვანია ვენტილაციის სწორი რეჟიმის დაცვა. გაანიავეთ ოთახი დილით ადრე და გვიან საღამოს, ხოლო დღის განმავლობაში ფანჯრები დაკეტილ მდგომარეობაში შეინარჩუნეთ და ფარდებით დაფარეთ.
- რეგულარულად დაატენიანეთ ჰაერი ჩვეულებრივი ან სპეციალური დამატენიანებლის გამოყენებით. ეს უკანასკნელი ძირითადი ფუნქციების შესრულების გარდა ბაქტერიებსაც ანადგურებს.
- ელექტრონული მოწყობილობები რაც შეიძლება იშვიათად ჩართეთ – ექსპლუატაციის დროს ისინი სითბოს მნიშვნელოვან რაოდენობას ასხივებს. შეეცადეთ ღუმელი ნაკლებად გამოიყენოთ.
ამ მარტივი მანიპულაციების საშუალებით სახლში სიცხის დონეს საგრძნობლად შეამცირებთ.
