რა უნდა ვიცოდეთ ურბანული დიზაინზე? – ნუცა ბახტაძის გზამკვლევი

რა საერთო აქვს არქიტექტურას, ჯანდაცვასა და ეკონომიკას ერთმანეთთან? ამ კითხვას “ურბანული დიზაინის” ცნებასთან მივყავართ. მაინც რას გულისხმობს ეს ტერმინი და რა არის ის ძირითადი პრინციპები, რაც მის შესახებ უნდა ვიცოდეთ? ამ ყველაფერზე დღეს ინტერიერის დიზაინერი ნუცა ბახტაძე გვიამბობს:

“ურბანული დიზაინი არის ვიზუალური „ხედვა“, რათა აჩვენოს ინვესტორებს ეკონომიკური, სოციალური და გარემოსდაცვითი სარგებელი ან ცვლილებები სტრატეგიული მასშტაბით ვრცელ ფართობზე და ხანგრძლივ პერიოდში.

მნიშვნელოვანია მკაფიო იყოს ტერიტორიის მომავალი მახასიათებლები და ის, თუ როგორ გამოიყენებს მას ხალხი, ამის შემდეგ იქმნება განვითარების ჩარჩო, რომელიც ასახავს ძირითად ფიზიკურ მახასიათებლებს.

ურბანული დიზაინი ადგენს ფაქტებს, ადგილების შესახებ შეგროვებული მონაცემებისა და მტკიცებულებების ხარჯზე, მაგალითად, ტრანსპორტისა და ინფრასტრუქტურის შესაძლებლობები, განვითარების ხასიათი და სიმჭიდროვე, ეკოლოგიური შესაძლებლობების საკითხები

ურბანული დიზაინი შეიძლება იყოს წარმოდგენილი ილუსტრაციული მასტერგეგმების, გრაფიკოს-დიზაინერების ხედვების, ფოტომონტაჟების, 3D მოდელების და სხვა წარმატებული ადგილების ფოტოების გამოყენებით. დიზაინერებს შეუძლიათ გააცოცხლონ ის, თუ როგორ შეიძლება მომავალში მისი განვითარება და გამოყენება. ეს მოიცავს მნიშვნელოვან ადგილობრივ მახასიათებლებს, ღირსშესანიშნაობებისა და საჯარო სივრცეების ხაზგასმას.

საილუსტრაციო მასტერგეგმები ხშირად გვიჩვენებს მხოლოდ ერთ გზას, რომლითაც შესაძლებელია დიზაინის მითითებების შექმნა.

ურბანული დიზაინის პარამეტრების სპეციფიკაციები და მასტერგეგმები ადგენს ზუსტ წინადადებებს, რომლებზეც დაგეგმვის თანხმობაა მოთხოვნილი და ასახავს შენობების, გზებისა და ღია სივრცეების გამოყენებას, ზომას, ფორმასა და მდებარეობას.

დაგეგმვისას შესაძლოა მომზადდეს კონკრეტული უბნის განვითარების მოკლე დოკუმენტი, რომელიც განსაზღვრავს საჭირო ძირითად მახასიათებლებს და ის საშუალებას აძლევს დეველოპერებს საპასუხოდ შეადგინონ შემოთავაზებული სქემა.

ხალხისთვის ადგილები უნდა იყოს ადაპტირებული და უსაფრთხო, კომფორტული, მრავალფეროვანი და მიმზიდველი. ეს ეხება ყველა მასშტაბს – რეგიონს, ქალაქს, უბანსა და ქუჩას.

ადგილები უნდა იყოს ადვილად მისასვლელი, ფიზიკურად და ვიზუალურად ინტეგრირებული გარემოსთან. ეს მოითხოვს ისეთი დეტალების გათვალისწინებას, თუ როგორ უნდა მოხდეს მაგალითად, გადასვლა ფეხით, ველოსიპედით, საზოგადოებრივი ტრანსპორტით და მანქანით – და ა.შ

მნიშვნელოვანია მუშაობა ლანდშაფტის ადგილებთან, რომლებიც ამყარებენ ბალანსს ბუნებრივ და ადამიანის მიერ შექმნილ გარემოს შორის.

იმისთვის რომ პროექტები იყოს განვითარებადი და კარგად მოვლილი, ისინი უნდა იყოს ეკონომიკურად სიცოცხლისუნარიანი, კარგად მართული და შენარჩუნებული. ეს ნიშნავს დეველოპერების საბაზრო მოსაზრებების გააზრებას, საზოგადოებისა და ადგილობრივი ხელისუფლების გრძელვადიანი ვალდებულების უზრუნველყოფას, მიწოდების შესაბამისი მექანიზმების განსაზღვრას და ამ ყველაფრის განხილვას, როგორც დიზაინის პროცესის ნაწილისა.

დიზაინური ცვლილებისთვის ახალი განვითარება უნდა იყოს საკმარისად მოქნილი, რათა უპასუხოს მომავალ ცვლილებებს გამოყენებაში, ცხოვრების წესსა და დემოგრაფიაში. ეს ნიშნავს ენერგო და რესურსების ეფექტურობის დიზაინს, მოქნილობის შექმნას საკუთრების, საჯარო სივრცეებისა და მომსახურების ინფრასტრუქტურის გამოყენებაში და ახალი მიდგომების დანერგვას ტრანსპორტის, მოძრაობის მართვისა და პარკირების მიმართ.”