იმ შემთხვევაში თუ საკუთარი ინტერიერის გახალისებას კედლების განახლებით გეგმავთ, შპალერის შეღებვა ერთ-ერთი ასეთი გზაა. თუმცა, სანამ ამ საქმეს შეუდგებით აუცილებელია იმის განსაზღვრა თუ რა ტიპის შპალერია კედელზე გაკრული. როგორც წესი, ღებვისთვის თეთრ ზედაპირს არჩევენ, ვინაიდან ეს პიგმენტისთვის იდეალური ფონია.
მაღაზიაში შემდეგი სახის შპალერებს შეხვდებით:
1.სამღებრო ქაღალდი
ეს მასალა სპეციალური, წყალამრეკლი სითხითაა გაჟღენთილი. ამიტომ მას ჩვეულებრივი ქაღალდის ტილოში ნუ ავურევთ. ღებვისთვის განკუთვნილი ქაღალდის შპალერი ორი ან სამი ფენისგან შედგება. ბოლო ფენა სპეციალური მასალისგანაა დამზადებული, რომელიც მინიმუმ სამჯერ შეგიძლიათ გადაღებოთ.
2.მინაბოჭკოვანი
ეს ძალიან მტკიცე მასალაა, ვინაიდან მინის ძაფებისგანაა დამზადებული. არ ეშინია ცვეთის, მექანიკური დაზიანების, ტენისა და ცეცხლისაც კი. მასალა კედლის უსწორმასწორობას და დეფექტებს კარგად ფარავს. ადვილი გასაწმენდია. მისი ღებვა ნებისმიერი საღებავითაა შესაძლებელი, მაგრამ მანამდე აუცილებლად უნდა დაიგრუნტოს. მისი გადაღებვა მინიმუმ 8-ჯერ არის შესაძლებელი, თუმცა კედლიდან მისი მოხსნა რთულია
3.ვინილ-ფლიზელინის
ეს მკვრივი და მძიმე საფარია, ამიტომაც კარგად ეგუება ღებვას. ცელულოზისა და პოლიმერის საფუძველზე დამზადებული ეს მასალა არ დეფორმირდება, არ იბერება, არ ეშინია ნესტის, კარგად ფარავს ზედაპირის დეფექტებს. შესაძლებელია მისი მინიმუმ 8-ჯერ შეღებვა.
4.თხევადი
შინაარსობრივად ეს დეკორატიული ფითხის სახეობაა. შესაძლებელია მისი ღებვაც, თუმცა არ არის რეკომენდებული, რადგან ღებვის დროს მისი განუმეორებელი ტექსტურა და რელიეფი იკარგება.
რომელი საღებავით შევღებოთ შპალერი?
- ღებვამდე, სწორი პიგმენტია ასარჩევი. ის შპალერის მასალის მიხედვით დგინდება.
- წყალემულსიური – ქაღალდის შპალერის ღებვისთვის;
- წყალდისპერსიული – გამოიყენება ფლიზელინის შპალერისთვის;
- ლატექსის – გამოიყენება ვინილის, მინაბოჭკოვანი და ქაღალდის შპალერისთვის;
- აკრილის – გამოიყენება ქაღალდის ფუძის მქონე ვინილის შპალერისთვის, ასევე მინაბოჭკოვანი ზედაპირებისთვის.
- საღებავის არჩევა ოთახის დანიშნულების მიხედვითაც ხდება. მაგალითად, ნესტიანიანი და ცხელი ოთახებისთვის (სამზარეულო ან აბაზანა) უმჯობესია აკრილისა და ლატექსის საღებავი. თუ ზედაპირზე მზის სხივები აქტიურად ეცემა ლატექსის საღებავი შეუცვლელია. ის არ ხუნდება.
ამ მარტივი გიდის მეშვეობით თქვენ უკვე გაქვთ საჭირო ინფორმაცია შპალერის სამღებრო სამუშაოების შესახებ. შემდეგი ეტაპი უკვე პროექტის განხორციელებაა. ხოლო იმ შემთხვევაში თუ ფინანსური რესურსის სიმცირე გაბრკოლებთ, გახსოვდეთ, რომ გამოსავალი მაინც არსებობს: თქვენ შეგიძლიათ ისარგებლოთ საქართველოს ბანკის დახმარებით და დაიმტკიცოთ რემონტის სესხი. ეს არის კომფორტული პროცედურა, რომელსაც ისეთი უპირატესობები გააჩნია, როგორიც არის სესხის აღების გამარტივებული პროცესი, პროცენტის შემცირების შესაძლებლობა, საკრედიტო შენატანის დაზღვევა, ფასდაკლებები ავეჯისა და სამშენებლო მასალების შოურუმებში და სხვა. შესაბამისად, თუ თქვენ სახლში ახალი ფერებისა და ატმოსფეროს შეტანა გსურთ, ეს ნამდვილად იდეალური მომენტია.
რუბრიკის #რემონტიშენიხელით წარმდგენია საქართველოს ბანკი
