როგორც დიზაინერები ამბობენ, არაფერი ალამაზებს ინტერიერს იმაზე მეტად, ვიდრე კარგი ხედი ოთახიდან. მართალია, ეს ხუმრობით არის ნათქვამი, თუმცა, როგორც ცნობილია, ყველა ხუმრობაში სიმართლის მარცვალი არსებობს. ამ შემთხვევაშიც ასეა – პანორამული ფანჯრები, რომელთა მიღმაც ულამაზესი ბუნების პეიზაჟი ან ქალაქური ხედი იშლება, მართლაც ინტერიერის წამყვან ელემენტად შეიძლება იქცეს. ამას გარდა, დიდი ფანჯრები ბუნებრივი განათების უხვად შემოდინებას უწყობს ხელს და ყველაზე პატარა ან დაბალჭერიან სივრცესაც კი ბევრად მასშტაბურად წარმოაჩენს. სწორედ ამიტომ, პანორამული ფანჯრები სულ უფრო ხშირად გვხვდება თანამედროვე ინტერიერის დიზაინში. დღევანდელ სტატიაში სწორედ ამ ტიპის პროექტები შევარჩიეთ.
