ისტორიულ შენობაში თანამედროვე ინტერიერის შექმნა განსაკუთრებულ სიფრთხილეს მოითხოვს — ახალი სივრცე უნდა პასუხობდეს თანამედროვე ცხოვრების წესს და, ამავე დროს, არ დაკარგოს კავშირი შენობის არქიტექტურულ წარსულთან. ტურინში მდებარე ეს ბინა სწორედ ძველისა და ახლის ოსტატურად შერწყმის საინტერესო მაგალითია.
ისტორიული შენობისთვის დამახასიათებელი მაღალი ჭერი, კლასიკური პროპორციები და დეკორატიული არქიტექტურული ელემენტები აქ თამამი ფერების, თანამედროვე ავეჯისა და სკულპტურული ფორმების ფონად იქცევა. დიზაინერები არ ცდილობენ ისტორიული ესთეტიკის გამეორებას — პირიქით, თანამედროვე დეტალებს მკაფიოდ გამოყოფენ და ამ გზით განსხვავებულ ეპოქებს შორის საინტერესო დიალოგს ქმნიან.
ინტერიერში განსაკუთრებული მნიშვნელობა ფერს ენიჭება. ინტენსიური ტონები და მოულოდნელი ფერთა კომბინაციები კლასიკური გარემოს ფორმალურობას ამსუბუქებს და სივრცეს ცოცხალ, ინდივიდუალურ ხასიათს ანიჭებს. ამავე პრინციპით არის შერჩეული ავეჯი და დეკორიც — თანამედროვე ფორმები ისტორიული არქიტექტურის ფონზე კიდევ უფრო მკაფიოდ იკითხება.
პროექტის მთავარი ღირებულება სწორედ ამ ბალანსშია: თანამედროვე ინტერიერი ისტორიულ გარემოს არ ეჯიბრება და არც მის იმიტაციას ცდილობს. ძველი და ახალი დამოუკიდებლად ინარჩუნებს საკუთარ ხასიათს, მათი კონტრასტი კი საბოლოოდ ერთიან და ჰარმონიულ სივრცეს ქმნის. შედეგად, ბინა ისტორიულ იდენტობას ინარჩუნებს, თუმცა სრულიად თანამედროვე ცხოვრების ნაწილად აღიქმება.
“იცხოვრე შენი ცხოვრებით” სათქმელად უფრო ადვილია, გასაბედად კი რთულია. ხშირად გაბედვა უნდა ერთი შეხედვით მარტივ საკითხევს, მაგალითად, სახლის საკუთარი გემოვნების მიხედვით მოწყობას. m2 -ის კამპანია “გაბედე” სწორედ ამ საკითხზე გვაფიქრებს და კიდევ ერთხელ გვახსენებს, რომ ყველაფერი საიტერესო გაბედვით იწყება.
გაბედე, იცხოვრე შენი ცხოვრებით!
რუბრიკა “გაბედეს” წარმდგენია m2
