in

 ავსტრალიური პატარა სახლი – CABN-ის პროექტი

 

Alliance Group
Alliance Group

ბევრს შეიძლება გაუკვირდეს, თუ როგორ შეიძლება ასეთი აღმაფრთოვანებელი პროექტი სულ რაღაც 15 კვადრატულ მეტრში განთავსდეს, თუმცა ფაქტია, რომ არქიტექტურულმა სტუდიამ CABN ეს შეძლო. ადელაიდის ბორცვებზე, ავსტრალიაში მდებარე პატარა სახლი მიზერულ ფართობში ახერხებს ადამიანებისა და ბუნების ერთმანეთთან დაკავშირებას.

An Australian Tiny Home / CABN,Courtesy of CABN

CABN სახელგანთქმულია ეკომეგობრული, მომავალში გადამუშავების პერსპექტივის მქონე პატარა სახლების დაპროექტება-წარმოებით. მათი შექმნილი სახლები გვხვდება სამხრეთ ავსტრალიის ყველაზე მომაჯადოვებელ, სუნთქვისშემკვრელ ლანდშაფტებში და იდეალურ გასაქცევს წარმოადგენს ქალაქის მძიმე, საქმიანი ცხოვრებისგან.

An Australian Tiny Home / CABN,Courtesy of CABN

An Australian Tiny Home / CABN,Courtesy of CABN

An Australian Tiny Home / CABN,Courtesy of CABN

An Australian Tiny Home / CABN,Courtesy of CABN

CABN-ის ხის კაბინის შემქმნელების ხედვის მიხედვით, ისინი დაპროექტებულია მფლობელთა დეტოქსიკაციისთვის ხელშესაწყობად. არქიტექტორების თქმით, თანამედროვე ციფრული სამყაროსთვის დამახასიათებელი წნეხებისა და გამოწვევებისგან დამალვა აუცილებელია მენტალური ჯანმრთელობის შესანარჩუნებლად, ამისთვის კი ზედგამოჭრილია CABN-ის მინიმალისტური ინტერიერი, მინის ვიტრაჟული კედლები და მისი მშვიდი ატმოსფერო.

An Australian Tiny Home / CABN,Courtesy of CABN

An Australian Tiny Home / CABN,Courtesy of CABN

აქ ადამიანს შეუძლია საკუთარი „ელემენტის“ ხელახლა შევსება და დამშვიდება. CABN ავსტრალიის ერთ-ერთ ბუნებრივ ნაკრძალთან ახლოს მდებარეობს, აქვეა ვენახები და ღვინის ქარხნები, სადაც მაცხოვრებლებს ტკბილი, წყნარი საღამოების ხალისიანად გატარება და ბუნების წიაღში დაბრუნება შეუძლიათ.

An Australian Tiny Home / CABN,Courtesy of CABN

ადელაიდის ბორცვებში დამსვენებლებს ასევე შეუძლიათ სპეციალისტთა მიერ ორგანიზებულ აქტივობებში მონაწილეობის მიღება, მათ შორის კი ყველაზე მაცდურად ავსტრალიის ენდემური სახეობების წარმოადგენელ ფრინველთა და ცხოველთა დაკვირვება, ჩანჩქერების, გამოქვაბულებისა და ტყეების დათვალიერებაა.

An Australian Tiny Home / CABN,Plan

როგორ ვიცხოვროთ “ხრუშჩოვკაში” ახლებურად – რამდენიმე რჩევა ძველი პროექტის კეთილმოწყობისთვის

როგორ დავზოგოთ გათბობის ხარჯი – 9 მნიშვნელოვანი რჩევა