in

ხის სახლი კოსტა რიკაში – Olson Kundig-ის მაგიური პროექტი

მსოფლიოში ერთ-ერთი ყველაზე სახელგანთქმული არქიტექტურული სტუდიის, Olson Kundig-ის კოსტა რიკაში განხორციელებული ხის სახლის პროექტი პლაია ერმოსას სანაპიროზე მდებარეობს და დაახლოებით 200 კვადრატული მეტრის ფართობს მოიცავს. მასზე მომუშავე არქიტექტორების თქმით, პროექტი შთაგონებულია წყნარი ოკეანის ამ ნაწილის მასიური ჯუნგლებითა და აქაურობისთვის დამახასიათებელი იდილიური ბუნებით.

Alliance Group
Alliance Group

photo of Costa Rica Treehouse

photo of Costa Rica Treehouse

სახლი მთლიანად ტექის ხისგანაა აგებული, რომელიც ადგილობრივ ნიადაგზე იზრდება. შენობის სამივე სართული ინტეგრირებულია ბუნებასთან – პირველი სართული სრულადაა შერწყმული ტყესთან, მეორე სართული მთლიანად ხეებშია მოქცეული, მესამე კი მათ ზემოდან დასცქერის – აქედან წყნარი ოკეანის მომნუსხველი, დამატყვევებელი ხედი იშლება.

photo of Costa Rica Treehouse

photo of Costa Rica Treehouse

პროექტის დამკვეთები სერფინგისა და გარემოს დაცვის ენთუზიასტები არიან, ამიტომ მათი სახლი კოსტა რიკას მიწის მდგრადი განვითარების ფილოსოფიითაა გაჟღენთილი. სახლის დიზაინი თავისუფალი სივრცით გამოირჩევა, მთავარ საცხოვრებელ სივრცეში მდებარე შიდა ბაღში კი მცენარეებია დარგული. ეს გადაწყვეტილებები შენობის სუფთა ჰაერით მომარაგებასა და ვენტილაციას განაპირობებს.

photo of Costa Rica Treehouse

photo of Costa Rica Treehouse

photo of Costa Rica Treehouse

photo of Costa Rica Treehouse

photo of Costa Rica Treehouse

სახლის პირველი და მესამე სართულები ბუნების ელემენტებს ორმაგი ეკრანის მქონე ხის სისტემით უკავშირდება, რომელთა წყალობით შენობაში სრულად აღწევს ბუნებრივი სინათლე, მათი დახურვის შედეგად კი მეპატრონეებს სურვილის შემთხვევაში, გარემოსგან იზოლაცია და ინტერიერის უცხო თვალისგან დაცვა შეუძლიათ. ამ ყველაფერთან ერთად, კოსტა რიკაში მდებარე ეს ხის სახლი ენერგოეფექტურია – ის მზის ენერგიაზეა დამოკიდებული და გააჩნია მასშტაბური წვიმის წყლის შესაგროვებელი სისტემა, რომლითაც წყალი იზოგება.

photo of Costa Rica Treehouse

Costa Rica Treehouse / Olson Kundig

Costa Rica Treehouse / Olson Kundig

Costa Rica Treehouse / Olson KundigCosta Rica Treehouse / Olson Kundig

ფოტოგრაფი: Nic Lehoux

აქსელ ვერვურდტი – ვარსკვლავების ფავორიტი ინტერიერის დიზაინერი

“ჰარმოსფერო” – სახლის დეკორის ახალი ქართული სტარტაპი