შესასვლელ სივრცეში კარადის ან სათავსოს ინტერიერისთვის მორგება მარტივი არ არის და ხშირად გადაწყვეტილების მიღება ძალიან გვიჭირს. გარდა იმისა, რომ ბაზარზე შემოსასვლელისთვის განკუთვნილი სათავსოების მრავალფეროვან არჩევანს ვხვდებით, გასათვალისწინებელია ადგილი, მასალა, დიზაინი და სხვა ფაქტორები. შემოსასვლელი ის ადგილია, საიდანაც სახლის მნახველს ინტერიერზე ზოგადი წარმოდგენა ექმნება, ასე რომ მნიშვნელოვანია რომ პირველი შთაბეჭდილების ჩამოსაყალიბებლად სტუმრებს გამორჩეული და დახვეწილი სივრცე დავახვედროთ, სადაც კომფორტული და ელეგანტური კარადა ხშირად გადამწყვეტ როლს თამაშობს. სწორედ ამიტომ, დღევანდელ სტატიაში რამდენიმე შთამაგონებელ ფოტოს გიზიარებთ, რომელიც გადაწყვეტილების მიღების პროცესში დაგეხმარებათ.
