თბილისის ცენტრში განთავსებული ეს ფერადი ბინები,რომელთა ფართობი 50-70 კვადრატულ მეტრს შორის მერყეობს გათვლილია ტურისტების მისაღებად. ამ ფაქტორის გათვალისწინებით, პროექტის ავტორებმა შექმნეს მსუბუქი, მარტივი და ხალისიანი ინტერიერი.
აქ ვხედავთ საინტერესო დიზაინ აქცენტებს, რაც მკვეთრი ფერების გამოყენებითა და ძველი კარის უბრალოდ შეღებვით მიიღწევა.
განსაკუთრებულ ყურადღებას იპყრობს ჭერი, რომელზეც შენარჩუნებულია ძველი ილუსტრაციები. ამისთვის იგი გაიწმინდა, დამუშავდა და დაიფარა დამცავი ლაქით.
